Një person është arrestuar në Mitrovicën e Jugut nga Policia e Kosovës.

V.B, ka rënë në pranga nën dyshimin lidhur me dy pagesa të cilat është dashur të paguhen nga përfaqësuesi i një shpedicioni në Mitrovicë, ka ndërmarrë veprime të shpejta operativo-hetimore për sqarimin e rrethanave të rastit në fjalë.

“Pas një mori veprimesh intensive hetimore, sot me datën 08.11.2021 hetuesit e krimeve ekonomike dhe korrupsionit ne rajon, kanë vërtetuar se i dyshuari me iniciale (V.B.) përfaqësues i shpedicionit me qellim të përfitimit të parave në mënyrë të kundërligjshme dyshohet se ka falsifikuar dy urdhër pagesa të cilat i ka përdorur për të mashtruar zyrën e Doganës, kinse i ka proceduar pagesat në të vërtetë”, njofton Drejtoria për Hetimin e Krimeve Ekonomike dhe Korrupsionit.
Me këtë rast personi i arrestuar dyshohet se ka kryer veprat penale “Falsifikimi i dokumenteve” dhe “Mashtrim”.

Me vendim të prokurorit i dyshuari është dërguar në mbajtje për 48 orë.

“Të gjitha veprimet hetimore janë realizuar në konsultim dhe bashkërendim me prokurorin kujdestar të Prokurorisë Themelore në Mitrovicë dhe bazuar në dyshimet e arsyeshme se i dyshuari i lartcekur me iniciale ka kryer veprat penale të lartcekura, Prokurori kompetent lëshon aktvendim për ndalim të personit të dyshuar për 48 orë”./arbresh.info/